Blog Gwenno

Bath

2012-02-08T04:19:00.000-08:00

Sgeno ni ddim cawod yn ty ni ond wedi byw mewn dau dy di-gawod erbyn hyn un o fy hoff betha i ydy bath. Efo'r cynhwysion cywir - llyfr, bybls/bom, canwylla... Snam llawer o ffyrdd gwell i ymlacio.

Dyma erthygl wych am fathiau. Fedra ni gyd freuddwydio medran.

http://offbeathome.com/2011/11/nine-cool-tubs

Addunedau

2012-02-06T04:44:00.000-08:00

Dwi'n licio gwneud addunedau ond dydw i ddim yn gweld pwynt addunedu i wneud rhywbeth dydy rhywun ddim eisiau ei wneud yn y lle cynta. Leni, nes i gymryd chydig o amser i feddwl am betha dwi eisiau eu cyflawni. Mae na ambell i beth sydd braidd yn gyffredinol ond dwi yn ymwybodol mai efo camau bach mae gwneud newidiadau mawr.

Felly, a hithau'n fis Chwefror dyma'r hwyl dwi wedi ei gael ar fy addunedau mor belled...

1. Ymestyn (bob dydd) - nesi ddechrau'n dda iawn efo hwn gan ymestyn yn y bore neu'r nos fel rhan o'r broses brwisio dannedd, molchi ayyb. Dwi wedi llacio chydig yn ddiweddar felly mae angen i fi fynd nol iddi.

2. Myfyrio (cael 5 munud tawel) - nesi ddechrau'n dda efo hwn hefyd ond mae bron a mynd a'i ben iddi. O'n i'n trio cael 5 munud amser cinio yn gwaith. Dwi'n cyfaddef mod ers erioed wedi ei chael hi'n anodd diffodd fy meddwl a llonyddu a dwi yn cydnabod fod hyn yn rhywbeth dwi eisiau gweithio arno fo.

3. Gloywi fy Nghymraeg (a Saesneg) - mae hwn yn fwy llwyddiannus. Pan dwi'n teipio dwi'n trio peidio clicio yn syth ar y linell fach goch na o dan y geiriau a chywiro'r gair fy hun. Dwi hefyd yn ymwybodol iawn o drio peidio gor-ddefnyddio geiriau Saesneg pan dwi'n siarad. Er hyn dwi yn ei chael hi'n anodd i feddwl am y gair Saesneg yn arbennig pan dwi'n trafod terminoleg yn y gwaith.

4. Darllen lot - dwi wrth fy modd yn darllen. Ers yn ifanc iawn iawn mae llyfrau wedi'n rhyfeddu i. Ar hyn o bryd dwi'n darllen llyfrau Jo Nesbo. Gymrodd hi sbel i'r ail un gyrraedd ond mae'r tryddydd wrth law rol fi orffen hwn. Yna dwi'n edrych mlaen i ddechrau ar The Hunger Games.

5. Cynnal y blog - mae mis Ionawr wedi bod yn fis anodd am lot o resymau gwahanol. Gawni weld os fydd mis Chwefror yn well.

6. Mynd i'r theatr yn amlach (fydd ddim yn anodd achos da ni ddim yn mynd llawer o gwbwl ar hyn o bryd) - hwn yn addawol wedi bod unwaith yn barod ac ar fin bwcio tocynau i ddau ne dri peth arall.

7. Cael bwyd wrth y bwrdd oleiaf 3 gwaith yr wythnos - dydy hyn ddim yn swnio fel lot ond da ni'n cael swper yn hwyr iawn yn ty ni (hwyrach na 9 weithiau). Pan da ni'n cael swper ynghynt mae'n hawdd cadw at hwn ond mae gwneud hyn yn broblem.

8. Cyfansoddi (trefniant i'r cor unwaith y mis/tymor?!) - dwi wedi gwneud un tymor yma. Watch this space!

9. Parcio ymhell oddi wrth y drws yn yr archfarchnad - mae wedi dechrau'n reit dda. Dwi'n parcio ymhellach nag o'r blaen wan ac wedi rhoi'r gorau i chwilio am le reit wrth y drws. Ambell waith dwi'n dal i lithro'n ol i barcio'n agos yn arbennig os di'r maes pacio yn wag.

Wel, yn debyg iawn i bawb arall dwi'n siwr mae mis Ionawr wedi dechrau'n addawol. Mae na dipyn go lew o waith i'w wneud eto. Er hyn mae cymryd stoc heddiw wedi rhoi cyfle i'n atgoffa i o'r addunedau a pham o'n i eisiau eu gwneud nhw.

Ymlaen at fis Mawrth wan!

Peer Pressure

2011-12-29T06:22:00.000-08:00

Oedd gen i ffrind yn coleg (da ni dal yn ffrindia deud y gwir) oedd yn arfer dweud bob tro odda ni'n swnian arni i ddod allan/neud rhywbeth doedd hi ddim eisiau ei wneud:

Gosh stopiwch roi peer pressure arnai!

Oedd yn amlwg yn gweithio... ac felly dyna sut dwi'n teimlo ar hyn o bryd:

STOPIWCH ROI PEER PRESSURE ARNAI!!

Dim fy ffrindia i sy'n rhoi peer pressure arnai ar hyn o bryd (dim yn uniongyrchol) ond rhai o fy nheulu a phobl randym sy'n meddwl bod ganddyn nhw hawl i fusnesa yn y petha dwi'n neud.

Drwy wahanol adega yn eich bywyd mae pobl yn eich haslo chi am betha gwahanol:

Lle ei di i coleg?

Be tisho neud ar ol gadael coleg?

Sgen ti gariad?

Pryd da chi am ddyweddio?

Pryd da chi am briodi?

A'r cas un ar hyn o bryd...

Pryd da chi am gael plant?

Da ni'n briod ers dros flwyddyn a hanner a dwi ddim yn deall be di'r holl obsesiwn ma sgan bobl o holi a bod yn awyddus i ni gael plant - dydy cael y ddau ohonom ni i'w caru ddim yn ddigon i chi?! Heblaw am hyn mae'n gwestiwn andros o bersonol - nesi'r camgymeriad o'i ofyn UNwaith a nai byth ei ofyn o eto.

Dwi chwaith ddim yn meddwl ei fod o o fusnes i neb arall be di'n cynlluniau ni ynglyn a chael teulu (os da ni am gael un o gwbwl) ond mae na gymaint o betha i'w wneud pan da chi'n ifanc (ydw dwi yn ifanc). Dwi isho cael gwydrad o win haeddianol ar ol diwrnod caled yn gwaith, dwi isho cael fy nal ym mwrlwm sioe gerdd a gwaith allgyrsiol (dwi'n siwr faswn i ddim yn cael hanner y pleser ohono fo os fasa gen i blant i fynd adra iddyn nhw), dwi isho mynd ar nosweithia allan randym a chael penwythnosau i ffwrdd, dwi isho mynd i'r theatr (yn amlach na dwi'n mynd wan) ac a bod yn onest (a sopi) dwi jysd isho treulio amser efo ngwr... Nesi briodi o er mwyn cael bod efo fo, er mwyn cael treulio gymaint o amser a fedrai efo fo dim er mwyn cael modd on tap i feichiogi.

Mae na lot o resyma gwahanol pan fod pobl yn penderfynu i gael plant a dwi ddim yn gweld bai arnyn nhw ond faswn i wrth fy modd tasa pobl yn ein derbyn ni ein dau am y teulu yda ni.

Felly yn ychwanegol i'r rhesyma yn y blogiad cynt dwi am alw hwn yn flog o betha dwi a fo'n gallu neud achos bod ganddo ni ddim plant. Dim er mwyn brolio ond er mwyn i ni gael cofio'r amser braf iawn ma da ni'n ei gael efo'n gilydd dim ond y ddau ohonom ni.

Y Cyntaf...

2011-12-28T10:59:00.000-08:00

Dwi wedi trio'r busnes blogio 'ma o'r blaen, ond dyma drio eto. Pan oedd gen i rhywbeth penodol i 'sgwennu o'r blaen o'n i'n cadw iddi'n oreit.

P'run bynnag, mae na sawl rheswm i (ail) ddechra fel hyn:

1. Fel adduned blwyddyn newydd dwi am wella Nghymraeg yn 2012 (mae'r defnydd o Saesneg yn fy iaith i'n ddychrynllyd). Felly, wrth 'sgwennu rhywbeth bach bob hyn a hyn a ngorfodi'n hun i feddwl am y gair Cymraeg ac ystyried os di petha'n neud synnwyr dwi'n gobeithio bydd fy iaith i'n gwella ('chydig).

2. Dwi'n awyddus i gofio petha sydd wedi bod yn drawiadol i mi - rhywbeth dwi di ddarllen, gwrando ar ddarn o gerddoriaeth neu hyd noed mynd am bryd o fwyd anhygoel yn rhywle. Dwi'n anobeithiol am gofio'r petha ma felly wrth (os gofiai) 'sgwennu amdanyn nhw fydd na gofnod rhywle.

3. Dwi'n cael hyrddia o cael breuddwydion rhyfedd iawn iawn iawn a faswn i'n hoffi rhywle i'w cofnodi nhw. Dwi ddim yn dychmygu am eiliad bod rhain o ddiddordeb i unrhyw un arall ond dwi eisiau cadw cofnod ohonyn nhw i fi'n hun.

Gyda'r gobaith bydd 2012 yn reit gynhyrchiol.